Wafdiga ayaa waxaa hoggaaminayay guddoomiyaha xisbiga, Maxamuud Khaliif Jabiye, waxaana ku wehliyay musharraxa xisbiga ee u tartamaya doorashada Koonfur Galbeed, Cabdifataax Maxamed Ibraahim.
Kulanka ayaa diiradda lagu saaray dardar-gelinta howlaha doorashooyinka Dowladda Koonfur Galbeed Soomaaliya, xilli ay socoto diyaar-garow xooggan oo ku aaddan qabsoomidda doorashooyinka.
Hoggaamiye Jibriil ayaa ku ammaanay Xisbiga SINCAD sida ay ugu diyaarsan yihiin ka qeybgalka doorashada, isagoo xusay muhiimadda ay leedahay in si wadajir ah looga shaqeeyo xasilloonida iyo maamul wanaagga.
Dhankiisa, guddoomiyaha xisbiga, Maxamuud Khaliif Jabiye, ayaa uga mahadceliyay hoggaamiyaha kulanka, wuxuuna carrabka ku adkeeyay in guddiyada doorashooyinka ay ku howlan yihiin sidii loo qaban lahaa doorasho xor iyo xalaal ah oo loo siman yahay.
